عنایہ راشفہ نے رکھا اپنا پہلا روزہ

اورنگ آباد: ۷ مارچ (نمائندہ) عادل شیخ کی ہونہار دختر درجۂ دوم کی ننھی طالبہ عنایہ راشفہ نے جمعہ ۱۶ رمضان المبارک کو اپنی زندگی کا پہلا روزہ رکھا۔ عنایہ نے بڑے ذوق و شوق سے سحری کھائی۔ کم سنی کے باوجود انہوں نے خوش دلی اور عزم کے ساتھ بھوک پیاس برداشت کرتے ہوئے روزہ مکمل کیا جس پر گھر والوں نے بے حد مسرت کا اظہار کیا۔ پہلا روزہ رکھنے پر عنایہ کے لیے خصوصی افطاری ترتیب دی گئی تھی۔ عنایہ کے اس قابلِ تحسین اقدام پر ان کے والدین، خاندان کے بزرگوں اور اساتذہ نے انہیں دعاؤں سے نوازا اور ان کے روشن و کامیاب مستقبل کے لیے نیک خواہشات پیش کیں۔ درجۂ دوم کے کلاس ٹیچر اور عنایہ کی سہیلیوں نے بھی انھیں ڈھیر ساری مبارکباد پیش کیں۔ ادارہ اعتبار نیوز بھی عنایہ کو مبارکباد پیش کرتا ہے اور ان کے لیے بارگاہِ رب العزت میں دعا گو ہے کہ عنایہ کو دین و دنیا کی کامیابیوں سے سرفراز فرمائے، انہیں صحت و عافیت کے ساتھ نیک راستے پر قائم رکھے، علم و عمل میں برکت عطا کرے اور ان کے اس معصوم جذبے کو اپنی بارگاہ میں قبول فرمائے۔ آمین۔