علماء اور ائمہ مساجد سے عاجزانہ درخواست

بذریعہ ضلع نامہ نگار اعتبار نیوز محمد سرور شریف پربھنی

السلام علیکم ورحمۃ اللہ وبرکاتہ
قابل صد تکریم امام صاحب
جیسا کہ آپ جانتے ہیں ہماری ریاست مہاراشٹر میں اس ماہ اسمبلی انتخاب ہوگا اور 20 نومبر کو ووٹنگ ہوگی الحمدللہ اس ضمن میں آپ کی کوششیں جاری ہیں آپ سے مودبانہ التماس ہے لوک سبھا الیکشن کی طرح اس بار بھی مہاراشٹر اسمبلی الیکشن جس کا اثر ملکی سیاست پر پڑنے والا ہے منبر و محراب سے مسلمانوں میں سیاسی شعور پیدا کرنے، ووٹنگ فیصد میں اضافہ کرنے ، ملک کی ترقی و خوشحالی کی غرض سے، ملک میں امن و امان قائم رکھنے ظلم اور نفرت کے خلاف ووٹ دینے کے لیےاپنے خطابات کے ذریعے امت مسلمہ کوترغیب دینے کا سلسلہ الیکشن تک جاری رکھیں مزید عاجزانہ و مؤدبانہ درخواست یہ ہے کہ دعا سے قبل ان اہم نکات کی جانب توجہ دلائیں
(1) ووٹر ہلپ لائن ایپ کے ذریعے تمام افراد خانہ کے نام ووٹر لسٹ میں شامل ہیں اس بات کا اطمینان کر لیں
(2) 8 یا 9 نومبر سے ووٹر سلپ تقسیم کرنے کا سلسلہ شروع کیا جانے والا ہے لہذا اپنے تمام اہل خانہ کے ووٹر سلپ بی ۔ایل ۔او سے حاصل کریں
(3) محلے میں بی ایل او ( BLO) کی جانب سے ووٹر سلپ تقسیم ہو جانے کے باوجود اگر آپ کو ووٹر سلپ نہ ملیں تو محلہ کمیٹی ،امام صاحب یا دیگر سماجی،ملی تنظیموں کے ذمہ داران سے رابطہ قائم کریں

منجانب :رحمن فاؤنڈیشن ،پربھنی