عثمان صادق احمد کا پہلا روزہ

حیدرآباد:18؍مارچ (راست) رمضان المبارک کے بابرکت مہینے میں عبادت کا جذبہ عروج پر ہے۔ اسی سلسلے میں یاقوت پورہ کے رہائشی سات سالہ عثمان صادق احمد بن قاضی مفتی محمد زبیر احمد بن صادق احمد صاحب اشرفی قاسمی نظامی حنفی حیدرآباد تلنگانہ نے روزہ رکھ کر اللہ تعالیٰ کی رضا حاصل کرنے کی سعادت حاصل کی۔ اہلِ خانہ اور قریبی افراد نے ان کے اس عمل کو سراہتے ہوئے دعاؤں سے نوازا اور نیک تمناؤں کا اظہار کیا۔ بزرگوں کا کہنا ہے کہ رمضان المبارک صبر، تقویٰ اور عبادت کا مہینہ ہے، جس میں ہر مسلمان کو زیادہ سے زیادہ نیک اعمال کرنے کی کوشش کرنی چاہیے۔اللہ تعالیٰ سے دعا ہے کہعثمان صادق احمد کو دین و دنیا کی کامیابیوں سے سرفراز فرمائے، انہیں صحت و عافیت کے ساتھ نیک راستے پر قائم رکھے، علم و عمل میں برکت عطا کرے اور ان کے اس معصوم جذبے کو اپنی بارگاہ میں قبول فرمائے۔ آمین۔