عبدالمجید سالار اقرا اُردو ہائی اسکول میں یومِ تعلیم کا پُروقار انعقاد

بورنار :11؍نومبر(راست)اقرا ایجوکیشن سوسائٹی کے زیرِ انتظام چلنے والے ادارے عبدالمجید سالار اقرا اُردو ہائی اسکول میں ’’یومِ تعلیم‘‘نہایت پُروقار انداز میں منایا گیا۔ اس موقع پر مولانا ابوالکلام آزاد کی زندگی اور کارناموں پر دہم جماعت کی طالبات دانِیہ رحیم، صائمہ رئیس اور نازیہ رمضان نے معلوماتی تقاریر پیش کیں۔اِس پروگرام میں اسکول کے ہیڈ ماسٹر سلیم شاہ اور دیگر اساتذہ بھی بڑی تعداد میں موجود تھے۔ سینئر استاد عارف محمد خان نے طلبہ کی علمی و اخلاقی رہنمائی کرتے ہوئے تعلیم کی اہمیت پر روشنی ڈالی۔یومِ تعلیم کا یہ پروگرام طلبہ کے لیے نہ صرف معلوماتی بلکہ حوصلہ افزا ثابت ہوا۔