عارش مشتاق شیخ کی روزہ رکھائی

دیولگاؤں مہی 4 مارچ (نمائندہ): پی ایم شری ضلع پریشد اردو اعلیٰ تحتانی اسکول دیولگاؤں مہی کے درجۂ اول میں زیرِ تعلیم چھے سالہ ننھے منے طالبِ علم عارش مشتاق شیخ نے اس رمضان المبارک کو اپنی زندگی کا پہلا روزہ رکھا۔ عارش نے بڑے ذوق و شوق سے سحری کی۔ انھوں نے دن بھر بھوک پیاس کی شدت کو برداشت کرتے ہوئے اپنا روزہ مکمل کیا۔ ان کے پہلا روزہ رکھنے پر ان کے لیے خاص افطاری ترتیب گئی تھی۔ عارش کی روزہ رکھائی پر ان کے والدین، خاندان و محلے کے بزرگوں، اساتذہ وغیرہ نے انہیں مبارکباد دی اور اپنی دعاؤں اور تحفوں سے نوازا۔ عارش کی کلاس ٹیچر آفرین باجی اور ان کے دوستوں نے بھی انہیں خوب خوب مبارکبادیاں پیش کیں۔ ادارہ اعتبار نیوز بھی عارش کو ڈھیر ساری مبارکباد پیش کرتا ہےاور ان کی سلامتی و روشن مستقبل کے لیے دعا گو ہے۔