طیبہ عارف شیخ کا پہلا روزہ

دیولگاؤں مہی :28 مارچ (نمائندہ): پی ایم شری ضلع پریشد اردو اعلیٰ تحتانی اسکول دیولگاؤں مہی کے درجۂ دوم میں زیرِ تعلیم سات سالہ ننھی منی طالبہ طیبہ بنت عارف شیخ نے چھبیسویں رمضان المبارک کو اپنی زندگی کا پہلا روزہ رکھا۔ طیبہ نے بڑے ذوق و شوق سے سحری کی۔ ان کے پہلا روزہ رکھنے پر ان کے گھر پر ان کے لیے خاص افطاری ترتیب گئی تھی۔ طیبہ کی روزہ رکھائی پر ان کے والدین، دادا، چچاؤں، چچیوں، خاندان و محلے کے بزرگوں، اساتذہ وغیرہ نے انہیں مبارکباد دی اور اپنی دعاؤں اور تحفوں سے نوازا۔ طیبہ کی سہیلیوں نے بھی انہیں خوب خوب مبارکبادیاں پیش کیں۔ ادارہ اعتبار نیوز بھی طیبہ کو ڈھیر ساری مبارکباد پیش کرتا ہےاور ان کی سلامتی و روشن مستقبل کے لیے دعا گو ہے۔ واضح رہے کہ طیبہ اپنے اسکول کی ایک ہونہار طالبہ ہے۔ انہیں پڑھنے لکھنے کا بہت شوق ہے اور وہ پابندی سے اسکول جاتی ہیں۔