شیخ مولا سر تعلقہ سطح پر مثالی معلم ایوارڈ سے سرفراز

عثمان آباد:7؍ستمبر(راست) مورخہ 05 ستمبر 2025 کو یوم اساتذہ کے موقع پر عثمان آباد تعلقہ سطح پر بطور مثالی معلم شیخ مولا سر کو مثالی معلم ایوارڈ سے سرفراز کیا گیا ۔ پی ایم شری ضلع پریشد اردو اسکول تیر ضلع عثمان آباد کے فعال معلم شیخ مولا سر کو یہ اعزاز بدستِ عامدار برائے معلمین حلقہ مراٹھواڑہ جناب وِکرم کالے صاحب و کیلاس پاٹل صاب عامدار برائے حلقہ عثمان آباد پیش کیا گیا ۔ اس تقریب میں جناب اوم راجے نمبالکر صاحب خاص دار برائے حلقہ عثمان آباد کی موجودگی بھی قابل ذکر ہے۔ تقریب ھذا کی صدارت بلاک ڈیولپمنٹ آفسر جناب سنتوش نلاوڑے صاحب فرمارہے تھے ۔ اس تقریب کی میزبانی بلاک ایجوکیشن آفسر جناب الحاج سید اسرار احمد صاحب نے فرمائی۔ اس اعزازیہ پر جناب شیخ مولا سر کو حلقہ احباب کی جانب سے نیک خواہشات پیش کی جا رہی ہیں۔