شیخ شفیق الرحمٰن شیخ احمد کو "گرو گورو نیشنل ایوارڈ 2025” سے نوازا گیا

اورنگ آباد : 12 اگست(راست) کو وی۔ این۔ پاٹل لاء کالج میں آدھار فاؤنڈیشن کے اشتراک سے منعقدہ ایک روزہ قومی کانفرنس "Challenges in Imparting Gender Justice in the Existing Social Norms” میں ممتاز معلم شیخ شفیق الرحمٰن شیخ احمد، صدر مدرس، محمد عبدالحفیظ پٹنی اُردو پرائمری اسکول، ناریگاؤں، اورنگ آباد کو ان کی شاندار تعلیمی خدمات کے اعتراف میں گرو گورو نیشنل ایوارڈ 2025 سے سرفراز کیا گیا۔یہ اعزاز خوشگوار اور تجرباتی تدریس کو فروغ دینے، طلبہ کی ذہنی و تعلیمی نشوونما میں نمایاں کردار ادا کرنے اور تعلیم میں جدت و دلچسپی پیدا کرنے کی پائیدار کوششوں پر دیا گیا۔ ماشاءاللہ، اس موقع پر جناب شیخ شفیق الرحمٰن شیخ احمد نے "Challenges in Imparting Gender Justice in the Existing Social Norms” کے موضوع پر مقالہ بھی پیش کیا، جسے علمی و تعلیمی حلقوں میں سراہا گیا۔تقریب میں آدھار فاؤنڈیشن کے صدر جناب امکنت پاٹل، معزز مہمانانِ گرامی اور مختلف تعلیمی اداروں کے اساتذہ و طلبہ موجود تھے۔اس اعزاز کو نہ صرف ذاتی کامیابی بلکہ ادارے اور اُردو تعلیم کی ترقی کے لیے ایک سنگ میل قرار دیا جا رہا ہے۔