شہر پربھنی میں جنسیوا بلاسودی بینک کی جانب سے شجر کاری مہم کا آغاز

پربھنی:24؍اکتوبر( بذریعہ ضلع نامہ نگار اعتبار نیوز محمد سرور شریف پربھنی ) مورخہ 23 اکٹوبر بروز بدھ جن سیوا بلاسودی بینک کی جانب سے ایک خصوصی شجرکاری مہم کا آغاز کیا گیا۔ اس پروگرام کا مقصد ماحول کو صاف ستھرا اور سرسبز و شاداب بنانا ہے اس مہم کے تحت مختلف اقسام کے پودے لگائے جا رہے ہیں جن میں پھل دار، سایہ دار اور دواؤں کے لیے کام آنے والے درخت شامل ہیں۔زیادہ سے زیادہ لوگ ان اشجار سے مستفید ہوں اس مقصد کے حصول کے لیے عوامی مقامات پر پودے لگائے گئے اس شجر کاری مہم کو کامیاب بنانے کے لیے منیجر شیخ زبیر ، سید سلیم سیٹھ، عبدالعزیز بھائی جان، افضل سیٹھ پاڈیلا ، موسیٰ بھائی ناگانی، خمیسہ غلام محمد مٹھو نے تعاون کیا۔ اس موقع پر مفتی ابراھیم قاسمی امیر جماعت ، محمد موسی ناگانی ، سلیم سیٹھ باغبان ، عزیز بھائی جان کے ہاتھوں عالمگیرکالونی ،مرکز انعام الحسن کے روبرو درخت لگائے گئے ۔ اس طرح کا پریس ریلیز شیخ زبیر منیجر جنسیوا بلا سودی بینک نے جاری کیا۔