شمع اردو اسکول میں جشن یوم آزادی

سولاپور:15؍اگست (راست )شمع اردو پرائمری اسکول میں جشن یوم آزادی جوش و خروش کے ساتھ منائی گیا ۔ ادارے کے چیئرمین ایوب نلامندو نے پروگرام کی صدارت کی اور بطور مہمان صحافی شریف سید نے شرکت کی۔ صدرمدرس ابوبکر نالامندو نے خوش آمدید کہتے ہوئے یوم آزادی کی اہمیت پر زور دیا۔اس موقع پر سابق پرنسپل عبدالقدوس نلامندو کی جانب سے طلبا میں مٹھائی تقسیم کی گئی۔ معلمہ شاہین صدف کے لکھے حمد، حب الوطنی گیت , ڈرامہ ’’جالیان والا باغ‘‘ پیش کیا۔جسے سامعین نے بھرپور داد سے نوازا۔ثقافتی پروگرام میں حصہ لینے والے تمام طلباء و طالبات کو مہمان خصوصی نے تحائف پیش کئے ۔شاہین صدف نے نظامت کی اور ابرار نالامندو نے شکریہ ادا کیا۔تقریب کو کامیاب بنانے کے لیے زبیدہ سیدخان، آسیہ بیجاپورے، معراج الولی، ابرار نلامندو وغیرہ نے بھرپور محنت کی۔