سی ایم شندے نے ورسووا سوریا پروجیکٹ کا معائنہ کیا، ریسکیو آپریشن دوبارہ شروع ہوا

ممبئی: 14 جون: مہاراشٹر کے وزیر اعلی ایکناتھ شندے نے ورسووا خلیج کے قریب سوریا پروجیکٹ کا دورہ کیا جہاں 17 دن پہلے مٹی کے تودے گرنے سے ایک بڑا حادثہ پیش آیا تھا۔ اس حادثے میں مٹی میں دبے راکیش کمار کو ڈھونڈنے کے لیے دوبارہ تلاشی مہم شروع کی گئی، وسائی کے ورسووا سوریا پروجیکٹ حادثے کے معاملے میں پوکلین آپریٹر راکیش یادو کے اہل خانہ نے حکومت کے خلاف سخت ناراضگی ظاہر کی ہے۔ راکیش یادو کی تلاش گزشتہ 17 دنوں سے جاری ہے اور حادثہ کام کے دوران سیمنٹ کا گرڈر گرنے سے پیش آیا۔ حادثے کے بعد بچاؤ کا کام 4 دن تک روک دیا گیا، لیکن ان کی اہلیہ کا الزام ہے کہ وزیر اعلیٰ ایکناتھ شندے کے پہنچنے کے بعد ہی تلاشی مہم شروع کی گئی اور مشین کو دوبارہ لایا گیا۔ وزیر اعلیٰ نے جمعہ کو وسائی کے قریب ورسووا سوریا پروجیکٹ میں پیش آنے والے حادثے کا معائنہ کیا۔ ریسکیو آپریشن گزشتہ 17 دنوں سے جاری ہے۔ سوریا واٹر سپلائی پروجیکٹ کی ٹنل کا کام وسائی بے کے قریب ساسوناوگھر گاؤں میں جاری ہے۔ 29 مئی کو سیمنٹ کا گرڈر گر گیا اور آپریٹر راکیش یادو کے ساتھ پوکلین 50 فٹ گہرے گڑھے میں دب گئے۔ یہ افسوسناک واقعہ وہاں پر مٹی کے اچانک ڈھنے سے پیش آیا۔ یہ ریسکیو آپریشن گزشتہ 17 دنوں سے جاری ہے۔