سیلو میں شفیع احمد شفیع کے اعزاز میں استقبالیہ مشاعرہ

پربھنی:5 اگست( بذریعہ ضلع نامہ نگار محمد سرور شریف ) بتاریخ 03 اگست بروز سنیچر شب 09 بجے منجانب ایوب عالم ولد شيخ محبوب سابق رکن بلدیہ بمقام ماشا الله فنکشن بال سیلو ضلع پربھنی ، شفیع احمد شفیع کا دوسرا شعری مجموعہ ’’اعراب چشم ‘‘منظر عام پر آنے کی خوشی میں ایک عظیم الشان استقبالیہ تقریب و مشا عرہ کا انعقاد کیا گیا جسکی مسند صدارت پر شہر سیلوکی ہردلعزیز شخصیت عبد الرحیم خان جلوہ افروز تھے اور بطور مہمانان خصوصی رحیم خان ، ملند ساونت ، شیخ محبوب رونق مسند بنے ہوئے تھے ، کنونیئر مشاعرہ ایوب عالم نے صدر مشاعرہ وصاحب اعزاز و تمام شعراء حضرات کا پرتپاک استقبال کیا ، بعدازاں ناظم مشاعرہ ارشاد ضیاء نے شفیع احمد شفیع کی حمد پاک سے مشاعرہ کا آغاز کروایا اور ہدیہ نعت کے لیے عبدالرحیم مضطر کو آواز دی ، دونوں ہی شعراء نے روح پرور ماحول بنادیا ، مشاعرہ میں جن شعراء نے سامعین کو اپنے کلام سے محظوظ فرمایا اُن میں عبدالرحیم مضطر ، شفیع احمد شفیع ، ڈاکٹر یوسف صابر اورنگ آباد، طاہر حسین طاہر ناندیڑ ، صابر بسمتوی، جمال چشتی اورنگ آباد ، شاکر خان شاکر پرتوری ، انصاری جاوید عاجز پرتوری ، راہی جنتوری ، عبد السميع انصاری ،ایوب عالم سيلو ، محمدصديق سيلو ، منورشاہ جنتوری کے نام شامل ہیں ، جن باذوق سامعین نے رونق محفل کو دوبالا کیا ان میں سید محسن علی ، سيد ا عظم ، مختار پٹھان ، ظفر خان ، سید مسد ،شيخ عادل ، شیخ دانش ، سید مصطفیٰ ، شیخ صدام ، سید امجد علی وغیرہ کے نام شامل ہیں ۔رات دیر گئےکنونیئر ایوب عالم کے اظہار تشکر پر کامیاب مشاعرہ کا اختتام عمل میں آیا ۔ اس طرح کی پریس نوٹ مجاہد محی الدین نے دی۔