سیف العرب فٹبال کلب کی جانب سے نو منتخب کارپوریٹر سید سمیع عرف ماجو لالہ اور عمر چاوش کا شاندار استقبال

پربھنی:18؍جنوری (ضلع نامہ نگار: محمد سرور شریف، اعتبار نیوز)حالیہ مہانگر پالیکا انتخابات میں شاندار کامیابی حاصل کرنے والے نو منتخب کارپوریٹر سید سمیع عرف ماجو لالہ اور محمد عمر چاوس کا سیف العرب فٹبال کلب کی جانب سے ایک پُروقار اور پرتپاک استقبالیہ منعقد کیا گیا۔ اس موقع پر کلب کے کوچ خیرالامین نے دونوں منتخب نمائندوں کو کامیابی پر دل کی گہرائیوں سے مبارکباد پیش کرتے ہوئے نیک خواہشات کا اظہار کیا۔استقبالیہ تقریب میں خیرالامین کے ہمراہ ان کے رفقاء شاہد، سفیان یوسف، فیصل، محیب، اسامہ اور عمیر بھی موجود تھے، جنہوں نے نو منتخب کارپوریٹروں کی عوامی خدمت کے جذبے کو سراہا اور امید ظاہر کی کہ وہ پربھنی شہر کی ہمہ جہت ترقی، نوجوانوں میں تعلیم کے فروغ اور کھیلوں کی سرپرستی کے لیے مؤثر اور عملی اقدامات کریں گے۔اس موقع پر سید سمیع عرف ماجو لالہ اور محمد عمر چاوس نے سیف العرب فٹبال کلب کے کوچ خیرالامین اور ان کے تمام رفقاء کا شکریہ ادا کرتے ہوئے کہا کہ عوام نے جس اعتماد کا اظہار کرتے ہوئے انہیں منتخب کیا ہے، وہ اس پر پورا اترنے کی بھرپور کوشش کریں گے۔ انہوں نے یقین دلایا کہ پربھنی میں کھیلوں کے فروغ، نوجوانوں کو مثبت اور تعمیری سرگرمیوں کی طرف راغب کرنے اور شہر کی مجموعی ترقی کے لیے وہ ہر ممکن تعاون فراہم کریں گے۔