سید محافظ کو اردو اکادمی ایوارڈ برائے بہترین لے آؤٹ ڈیزائننگ

” کے لیے ایوارڈ سے نوازا گیا ہے۔یہ اعزاز نہ صرف سید محافظ کی ذاتی کاوشوں اور جمالیاتی ذوق کا اعتراف ہے بلکہ یہ اردو زبان اور فنی شعور کی ترقی کی جانب ایک روشن قدم بھی ہے۔پرواز فاؤنڈیشن شولاپور کے صدر جناب محمد سمیع مومن اور تمام اراکین نے سید محافظ کو دل کی گہرائیوں سے مبارکباد پیش کرتے ہوئے کہا کہ:
> “اتنی کم عمری میں یہ شاندار کامیابی اُن کی لگن، تخلیقی صلاحیت اور آرٹسٹک وژن کا ثبوت ہے۔ سید محافظ نے اردو گرافک ڈیزائننگ کو نئے رنگ، نیا احساس اور نیا وقار عطا کیا ہے۔”
انہوں نے مزید کہا کہ:
> “یہ کامیابی دراصل اُن کے والد، مشہور آرٹسٹ جناب سید اقبال صاحب کی تربیت، رہنمائی اور خاندانی فنی وراثت کا بھی نتیجہ ہے۔ سید اقبال صاحب کی رہنمائی نے محافظ کے اندر تخلیق کا جو شعور بیدار کیا، وہ آج اس ایوارڈ کے ذریعے عملی صورت میں ظاہر ہوا ہے۔”
فاؤنڈیشن کے اراکین نے کہا کہ سید محافظ کی یہ کامیابی پورے شولاپور کے لیے باعثِ فخر ہے۔ ان کی فنکارانہ نگاہ اور باریک بینی اُن کے ہر ڈیزائن میں جھلکتی ہے۔ ایوارڈ جیت کر انہوں نے ثابت کیا کہ اگر نیت سچی ہو اور جذبہ خالص، تو عمر یا وسائل کبھی رکاوٹ نہیں بن سکتے۔
پرواز فاؤنڈیشن کی جانب سے سید محافظ، اُن کے والد محترم سید اقبال صاحب اور پورے سید خاندان کو دلی مبارکباد پیش کی جاتی ہے،
اور دعا کی جاتی ہے کہ وہ آئندہ بھی اردو زبان، فنِ خطاطی اور گرافک ڈیزائننگ کے ذریعے اپنی صلاحیتوں کے چراغ روشن کرتے رہیں۔
منجانب: پرواز فاؤنڈیشن شولاپور