سید اسد کی روزہ رکھائی

دیولگاؤں مہی :7 مارچ (نمائندہ): پی ایم شری ضلع پریشد اردو اعلیٰ تحتانی اسکول دیولگاؤں مہی کے درجۂ دوم میں زیرِ تعلیم سات سالہ طالبِ علم اسد بشیر سید نے اس رمضان المبارک کو اپنی زندگی کا پہلا روزہ رکھا۔ اسد نے بڑے ذوق و شوق سے سحری کی۔ انھوں نے دن بھر بھوک پیاس کی شدت کو برداشت کرتے ہوئے اپنا روزہ مکمل کیا۔ ان کے پہلا روزہ رکھنے پر ان کے لیے خاص افطاری ترتیب گئی تھی۔ اسد کی روزہ رکھائی پر ان کے والدین، خاندان و محلے کے بزرگوں، اساتذہ وغیرہ نے انہیں مبارکباد دی اور اپنی دعاؤں اور تحفوں سے نوازا۔ اسد کے کلاس ٹیچر شیخ عمران نواب سر اور ان کے دوستوں نے بھی انہیں خوب خوب مبارکبادیاں پیش کیں۔ ادارہ اعتبار نیوز بھی اسد کو ڈھیر ساری مبارکباد پیش کرتا ہےاور ان کی سلامتی و روشن مستقبل کے لیے دعا گو ہے۔