سپریم کورٹ نے کیجریوال کو یکم جون تک عبوری ضمانت دے دی

نئی دہلی، 10 مئی۔دہلی کے وزیر اعلی اروند کیجریوال کو ایک بڑی راحت دیتے ہوئے سپریم کورٹ نے جمعہ کو شراب گھوٹالہ سے متعلق منی لانڈرنگ کیس میں یکم جون تک عبوری ضمانت پر رہا کرنے کا حکم دیا۔ جسٹس سنجیو کھنہ کی سربراہی والی بنچ نے کہا کہ عاپ سپریمو کو 2 جون کو خودسپردگی کرنی ہوگی۔ بنچ نے کہا کہ عبوری ضمانت کیوں دی گئی اس کی تفصیل دینے والا حکم شام کو اپ لوڈ کیا جائے گا۔ قبل ازیں جمعرات کو انفورسمنٹ ڈائریکٹوریٹ (ای ڈی) نے عبوری ریلیف دینے کی مخالفت کرتے ہوئے کہا تھا کہ کوئی سیاست دان ایک عام شہری سے زیادہ "خصوصی حیثیت” کا دعویٰ نہیں کر سکتا اور اگر وہ کوئی جرم کرتا ہے تو اسے گرفتار کیا جا سکتا ہے اور کسی دوسرے شہری کی طرح مقدمہ چلایا جا سکتا ہے۔ حراست میں لیا ای ڈی کے ڈپٹی ڈائریکٹر کے حلف نامہ میں کہا گیا ہے کہ ایسا کوئی اصول نہیں ہے کہ کسی کسان یا تاجر کو اپنا کام کرنے کے لیے ضمانت دی جائے۔ انتخابی مہم کے لیے لیڈر کو الگ چھوٹ دینا مناسب نہیں۔ حلف نامہ میں کہا گیا ہے کہ اس سے قبل کسی رہنما کو انتخابی مہم کے لیے عبوری ضمانت نہیں دی گئی۔ کیجریوال الیکشن نہیں لڑ رہے ہیں۔ اگر کوئی الیکشن لڑ رہا ہے تو وہ بھی تشہیر کے لیے عبوری ضمانت نہیں دی جاتی۔ ای ڈی نے دلیل دی کہ پچھلے پانچ سالوں میں تقریباً 123 انتخابات ہوئے ہیں اور اگر انتخابی مہم کے لیے عبوری ضمانت دی جائے تو کسی بھی سیاستدان کو گرفتار یا عدالتی حراست میں نہیں بھیجا جا سکتا ہے۔ پچھلی سماعت میں سپریم کورٹ نے اشارہ دیا تھا کہ وہ عام انتخابات کے پیش نظر عاپ لیڈر کو عبوری ضمانت دینے پر غور کر سکتی ہے۔ کیجریوال کو 21 مارچ کو گرفتار کیا گیا تھا۔