سٹی اسٹریٹ سیفٹی ڈرائیو کے تحت ناندیڑ میں عوامی مقامات پر شراب نوشی کرنے والوں کے خلاف سخت کارروائی

ناندیڑ: 14؍دسمبر (نمائندہ اعتبار) ناندیڑ شہر میں عوامی مقامات پر جرائم اور بدامنی پر قابو پانے کے مقصد سے پولیس سپرنٹنڈنٹ ناندیڑ ابیناش کمار کی ہدایت پر تشکیل دی گئی سٹی اسٹریٹ سیفٹی ڈرائیو ٹیم نے مختلف علاقوں میں بھرپور کارروائی انجام دی۔ یہ کارروائی پولیس سپرنٹنڈنٹ ابیناش کمار اور ایڈیشنل پولیس سپرنٹنڈنٹ سورج گرو کے احکامات و رہنمائی میں، ٹیم لیڈر سپرنٹنڈنٹ آف پولیس انسپکٹر بھاگوت ناگرگوجے اور متعلقہ پولیس اہلکاروں کی جانب سے انجام دی گئی۔ کارروائی کے دوران پولیس اسٹیشن ایئرپورٹ حدود میں شومندر، ہتھوڈا چوک پر 08 افراد کو شراب نوشی کے بعد ہنگامہ آرائی اور عوامی امن میں خلل ڈالتے ہوئے پکڑا گیا، جن کے خلاف دفعہ 110/117 مہاراشٹر پولیس ایکٹ کے تحت کارروائی کی گئی، جبکہ آمد و رفت میں رکاوٹ بننے والی 02 موٹر سائیکلوں پر دفعہ 285 کے تحت مقدمہ درج کیا گیا اور بغیر نمبر پلیٹ کی 02 گاڑیوں پر 1000 روپئے جرمانہ عائد کیا گیا۔ اسی طرح ناندیڑ دیہی پولیس اسٹیشن حدود میں ایم آئی ڈی سی، دودھ ڈیری، دھولے کارنر پر 05 افراد، وزیرآباد پولیس اسٹیشن حدود میں بس اسٹینڈ اور چھترپتی شیواجی مہاراج مجسمہ کے قریب 02 افراد، شیواجی نگر پولیس اسٹیشن حدود میں گوکل نگر میں 01 فرد اور دامنی پاتھک کی جانب سے آر آر سی کوچنگ کلاسیس کے قریب 02 افراد کو شراب نوشی یا شور و غل کے ذریعے عوامی امن میں خلل ڈالتے ہوئے پکڑا گیا، جن سب کے خلاف متعلقہ پولیس اسٹیشنوں میں دفعہ 110/117 مہاراشٹر پولیس ایکٹ کے تحت کارروائی کی گئی۔ اس دوران تمام متعلقہ حدود میں شراب کی دکانوں، وائن شاپس اور ہوٹلوں کی بھی جانچ کی گئی۔ اس موقع پر پولیس سپرنٹنڈنٹ ناندیڑ ابیناش کمار نے سخت انتباہ دیتے ہوئے کہا کہ ناندیڑ شہر میں کوئی بھی شخص عوامی مقامات پر شراب نوشی نہ کرے اور نہ ہی شراب نوشی کے لیے جگہ فراہم کی جائے، بصورت دیگر متعلقہ افراد کے خلاف سخت قانونی کارروائی کی جائے گی۔