سعودی نوجوان نے دوست کو بتائے بغیر اسے اپنا گردہ عطیہ کردیا

ریاض:3؍اگست:ایک ایسا منظر جو انسانیت کی عظمت کی مثال دیتا ہے۔ اس مثال میں ایک سعودی نوجوان نے اپنے ایک گردے کا عطیہ اپنے ایسے دوست کو کردیا جو کئی سالوں سے دائمی گردوں کی ناکامی کی بیماری میں مبتلا تھا۔ اس دوران اس کے مریض دوست کو اس کی شناخت کا علم نہیں تھا۔ حالانکہ اسے وہ زندگی بھر کا دوست قرار دیتا ہے۔کہانی اس وقت شروع ہوئی جب نوجوان شاکر العتیبی کو اپنے دوست فہد کی مکمل گردوں کی ناکامی کی وجہ سے صحت کی بگڑتی ہوئی حالت کا پتہ چلا تو اس نے دوستی کی وفا کے اظہار کے طور پر اپنا گردہ عطیہ کرنے کا فیصلہ کیا۔ شاکر نے پروگرام "صباح العربیہ” کو اپنی کہانی سناتے ہوئے بتایا کہ وہ اور فہد تقریبا 17 سال سے دوست ہیں۔ انہوں نے مزید کہا کہ میں نے اپنے دوست کو بتائے بغیر اپنا گردہ عطیہ کر دیا کیونکہ ہمارے ٹشوز مطابقت رکھتے تھے اور اس طرح میں نے اپنے دوست کو نئی زندگی کا تحفہ دیا۔اسی تناظر میں کڈنی کی پیوندکاری کی کارروائیوں میں زندہ عطیہ کرنے والوں کی جانب سے اعضا کے عطیہ میں بڑی شرح میں اضافہ ہوا ہے کیونکہ گزشتہ سال زندہ عطیہ کرنے والوں کی جانب سے کڈنی کی پیوندکاری کی کل 1284 کارروائیاں ریکارڈ کی گئی ہیں۔ اسی مدت میں زندہ عطیہ کرنے والوں کی جانب سے جگر کے حصوں کی 422 کارروائیاں دیکھی گئیں ۔ یہ اعداد و شمار سعودی سینٹر فار آرگن ٹرانسپلانٹیشن کے مطابق ہیں۔اس کے علاوہ سعودی عرب نے "GODT” آبزر ویٹری کی رپورٹ کے مطابق زندہ عطیہ کرنے والوں کے اعضا کے عطیہ کے اشاریہ میں دنیا میں تیسرا مقام حاصل کیا ہے۔ گزشتہ سال 2023 کے مقابلے میں زندہ عطیہ کرنے والوں کی شرح میں تقریبا 4.9 فیصد اضافہ ہوا کیونکہ 2024 میں زندہ عطیہ کرنے والوں کی جانب سے پیوندکاری کی 1706 کارروائیاں دیکھنے میں آئیں۔