سعودی عرب میں آسمانی بجلی کوندنے کا لمحہ، رات میں دن کا منظر

ریاض:2؍مئی: سعودی عرب کے دارالحکومت ریاض کے علاقے الزلفی گورنری کے آسمان پر بادلوں اوربارش کے درمیان بجلی کی چمک نے پورے ماحول کو روشن کردیا۔ اس منظر کی ویڈیو سوشل میڈیا پر وائرل ہے جسے صارفین کی طرف سے غیرمعمولی توجہ حاصل ہوئی ہے۔سعودی ویدر اینڈ کلائمیٹ سوسائٹی کے نائب صدر ڈاکٹر عبداللہ المسند نے منگل کو "ایکس” پلیٹ فارم پر اس منظرکا ایک ویڈیو کلپ پوسٹ کیا جسے انہوں نے بتایا کہ زلفی کے آسمان پر بادلوں کے پھٹنے اور گرج چمک کا حیران کن منظر توانائی پیدا کرنے والی قدرتی مشین کے گرم اپڈرافٹس اور کولڈ ڈاون ڈرافٹ کی سرگرمی کا نتیجہ ہے، جس کے نتیجے میں بارش کے اربوں بارش قطرے بن کرزمین پر گرے۔المسند نے بتایا کہ قصیم کے علاقے کے شہر عنیزہ پر غیر معمولی تاریخی بارشیں ہوئیں۔ پہلے گھنٹے کے دوران 70 ملی میٹر بارش ہوئی۔کل شام سعودی عرب کے علاقے قصیم میں موسلادھار بارش ہوئی جس کے نتیجے میں عنیزہ شہر کی سڑکیں سیلابی ریلوں میں تبدیل ہوگئیں۔ اس کے نتیجے میں متعدد افراد اور گاڑیاں پانی میں پھنس گئے۔