رکن اسمبلی آنند راؤ پاٹل بونڈھارکرکی سالگرہ پر مختلف پروگرامس

ناندیڑ :30؍جولائی( شیخ عمران ) ناندیڑ حلقہ جنوب کےرکن اسمبلی آنند راؤ پاٹل تڈکے بونڈھارکر کا یوم پیدائش 1 اگست بروز جمعہ ہری بھکت پریان رام راؤ جی مہاراج ڈھوک کی ایک عظیم کیرتن تقریب کے ساتھ ساتھ کئی سماجی سرگرمیوں کے ساتھ منایا جارہا ہے، یہ اطلاع ناندیڑ جنوب کے شیوسینا کے زیر اہتمام آج ایک پریس کانفرنس میں دی گئی، پارٹی کے ذمہ داران نے پریس کانفرنس میں کہا کہ ناندیڑ حلقہ جنوب کے رکن اسمبلی کی یوم پیدائش کے موقع پر مختلف پروگراموں کا انعقاد کیا جارہا ہے جس میں اسکولی طلباء و طالبات میں1001 امتحانی پیڈ کی تقسیم ،2100درخت لگائے جائے گئے ،خون عطیہ کیمپ،قلم کی تقسیم،ہیلتھ چیک اپ کیمپ و دیگر پروگرامس بھی منعقد ہوں گے۔پروگرام کے صدر کے طور پر سابق وزیر اعلی اور رکن پارلیمنٹ اشوک راؤ چوان موجود ہوں گے، جب کہ لوہا قندھار کے رکن اسمبلی پرتاپ راؤ پاٹل چکھلیکر مہمان خصوصی ہوں گے۔جبکہ اس تقریب میں عالی جناب رکن اسمبلی ہیمنت پاٹیل ، رکن اسمبلی حلقہ شمال ناندیڑ بالاجی کلیانکر و دیگر ارکان اسمبلی و محکمہ پولیس ناندیڑ کے اعلی عہدیداران و ضلع مجسٹریٹ کے بھی اعلی عہدیداران و ذمہ داران بھی شرکت درج کریں گے۔ اس بات کی اطلاع ناندیڑ شیو سینا شندے گٹ کے ضلعی ذمہ داران و عہدیداران وکارکنان نے پریس کانفرنس میں دی۔