رحمن فاؤنڈیشن پربھنی برانچ کی دردمندانہ اپیل

ضلع نامہ نگار اعتبار نیوز محمد سرور شریف ابن یوسف شریف

الحمدللہ! رحمن فاؤنڈیشن پربھنی برانچ اپنے معزز سرپرست، مفسرِ قرآن حضرت مولانا خلیل الرحمن سجاد نعمانی دامت برکاتہم کی سرپرستی اور رہنمائی میں بلا تفریقِ مذہب و ملت، معاشرے کے کمزور اور ضرورت مند طبقات کی خدمت میں مسلسل مصروفِ عمل ہے۔ یہ ادارہ غریبوں، یتیموں، بیواؤں، مساکین، مریضوں اور پریشان حال افراد کی دل سوزی کے ساتھ مدد کر کے انسانیت کی خدمت کا فریضہ انجام دے رہا ہے۔
فاؤنڈیشن کی مستقل اور قابلِ قدر خدمات میں شامل ہیں:
مستحق خاندانوں میں ماہانہ راشن کٹس کی تقسیم
مریضوں اور بیواؤں کی مالی امداد
یتیم بچوں کی کفالت اور سرپرستی
میڈیکل کیمپ اور رہنمائی کیمپ (خصوصاً ذہنی معذور افراد کے لیے)
ماہِ رمضان المبارک کی بابرکت گھڑیوں میں ان خدمات کا دائرہ مزید وسیع کر دیا جاتا ہے۔ اس مقدس مہینے میں تحقیق شدہ مستحقین تک منظم انداز میں:
رمضان راشن کٹس
شیرخورمہ کٹس
زکوٰۃ، صدقات اور عطیات
پہنچائے جاتے ہیں، تاکہ ضرورت مند خاندان بھی عید کی خوشیاں عزت و وقار کے ساتھ منا سکیں اور کسی کے گھر کا چولہا ٹھنڈا نہ رہے۔
ہم آپ تمام مخیر حضرات سے مؤدبانہ اور دردمندانہ اپیل کرتے ہیں کہ اپنی زکوٰۃ، صدقات اور عطیات رحمن فاؤنڈیشن تک پہنچائیں، تاکہ آپ کی یہ امانت صحیح تحقیق کے بعد حقیقی مستحقین تک پہنچائی جا سکے اور زیادہ سے زیادہ ضرورت مندوں کے چہروں پر مسکراہٹ لائی جا سکے۔
📍 نیو آفس کا پتہ: نزد اپنا کارنر، روبرو راجا رانی فنکشن ہال، پربھنی
🕘 اوقاتِ کار: نمازِ تراویح کے بعد، رات 10:00 بجے تا 11:30 بجے
جو حضرات آن لائن تعاون کرنا چاہتے ہیں وہ فراہم کردہ QR کوڈ کے ذریعے اپنی رقم آسانی کے ساتھ ادا کر سکتے ہیں۔
اللہ تعالیٰ ہم سب کو اخلاص کے ساتھ خدمتِ خلق کرنے کی توفیق عطا فرمائے اور ہماری اس چھوٹی سی کوشش کو اپنی بارگاہ میں قبول فرمائے۔
آمین یا رب العالمین۔