داروہہ میں مسلم ویلفیئر ایسوسی ایشن کی شہر و تعلقہ عاملہ تشکیل

داروہہ :16؍جنوری (راست)مسلم ویلفیئر ایسوسی ایشن کے قومی صدر سلیم سارنگ کی ہدایت پر اور یوتمل ضلع صدر یونس شیخ و تعلقہ صدر جرار قریشی کی قیادت میں داروہہ میں تنظیم کی شہر و تعلقہ عاملہ تشکیل دی گئی۔ اس موقع پر وسیم شاہ عظیم شاہ کو شہر صدر مقرر کیا گیا۔ نائب صدور میں شیخ جنید شیخ شاگیر، محمد نصیب محمد ایوب، عبدالشکیل عبدالخلیل اور ساقب رہبر ساجد خان شامل ہیں۔ جبکہ محمد نثار محمد ایوب کو تعلقہ سکریٹری اور محمد احمر راہیل محمد تہذیب کو یوتھ تعلقہ صدر مقرر کیا گیا۔تمام نومنتخب عہدیداران کو تقرر نامے دیے گئے اور تنظیم کی جانب سے نیک تمناؤں کا اظہار کیا گیا۔ اس موقع پر بتایا گیا کہ مسلم ویلفیئر ایسوسی ایشن عام شہریوں کے مسائل کے حل کے لیے پرعزم ہے۔ اس موقع پر سماجی کارکن محمد آصف ٹھیکیدار موجود تھے۔