خبر غم :خلوص و محبت کا پیکر مشہور نعت خواں عبدالرحیم مضطر کا انتقال پر ملال

پربھنی:27؍مارچ ( ضلع نامہ نگار محمد سرور شریف) قارئین بالخصوص شہر یان پربھنی کو نہایت افسوس کے ساتھ اطلاع دی جاتی ہے کہ خلوص و محبت کا پیکر مشہور و معروف نعت خواں عبدالرحیم مضطر کا آج مورخہ 27 مارچ 2025 ء بروز جمعرات سحر و فجر کی مبارک ساعتوں کے درمیان انتقال ہوا۔ انا للہ وانا الیہ راجعون ۔ عبدالرحیم مضطر صاحب کو عشق رسول اور محبت رسول صلی اللہ علیہ وسلم میں ڈوب کر اپنےمخصوص انداز میں نعت نبی صلی اللہ علیہ وسلم پڑھنے اور ہر چھوٹے بڑے سے خوش مزاجی، خوش اخلاقی اور سادگی کے ساتھ پیش آنا ، ان خوبیوں کی وجہ سے انہیں ہمیشہ یاد رکھا جائے گا۔ مرحوم کی نماز جنازہ آج مورخہ کا 27 مارچ 2025 بروز جمعرات بعد نماز عصر مسجد قادر آباد میں ادا کی جائے گی اور تدفین قادر آباد قبرستان میں عمل میں آئے گی ( مسجد قادر آباد میں عصر کی جماعت 5:15 منٹ پر ادا کی جائے گی ) ، مرحوم عبدالرحیم مضطر شہر پربھنی کی مشہور و معروف شخصیت امیر تبلیغ جماعت مرحوم عبدالحفیظ عبدالشکور کے چھوٹے بھائی اور مشہور عالم دین مولانا زبیر ندوی و عزیر ندوی کے والد محترم اور مدرسہ فیض القرآن کے نائب ناظم حافظ عبدالوہاب صاحب کے چچا تھے ۔ اس موقع پر ادارہ اعتبار نیوز اہل خانہ کے غم میں برابر کا شریک ہے اور اللہ تعالی کی بارگاہ میں دعا گو ہے کہ وہ اہل خانہ افراد خاندان کو صبر جمیل عطا فرمائے،مرحوم عبدالرحیم مضطرصاحب کی مغفرت فرمائے ،جنت الفردوس میں اعلی مقام عطا فرمائے ، اہل خانہ ، افراد خاندان اور آپ کے چاہنے والے دوست و احباب کو صبر جمیل عطا فرمائے ، بروز محشر آپ کے عشق رسول و محبت رسول صلی اللہ علیہ وسلم میں نعت نبی صلی اللہ علیہ وسلم پڑھنے کو آپ کی بخشش کا ذریعہ بنائے، آمین