حکومت پردھان منتری آواس یوجنا (پی ایم وائی) کے تحت 3 کروڑ دیہی اور شہری مکانات کی تعمیر کے لیے مدد فراہم کرے گی

نئی دہلی: 10 جون:مودی کابینہ 3.0 کی پہلی میٹنگ میں لیا گیا بڑا فیصلہ اس فیصلے کے تحت 3 کروڑ دیہی اور شہری مکانات کی تعمیر کے لیے پردھان منتری آواس یوجنا (پی ایم اے وائی) کے تحت مدد فراہم کی جائے گی، مودی حکومت اہل دیہی اور شہری خاندانوں کو مکانات کی تعمیر کے لیے مدد فراہم کرے گی۔ اس کے لیے پردھان منتری آواس یوجنا شروع کی گئی تھی۔ 10 سالوں میں ہاؤسنگ اسکیموں کے تحت اہل غریب خاندانوں کے لیے اب تک کل 4.21 کروڑ مکانات تعمیر کیے جا چکے ہیں۔ پی ایم اے وائی کے تحت بنائے گئے تمام گھروں کو مرکزی حکومت اور ریاستی حکومتوں کی دیگر اسکیموں کے ساتھ دیگر بنیادی سہولیات جیسے بیت الخلا، ایل پی جی کنکشن، بجلی کا کنکشن، نل کے پانی کا کنکشن وغیرہ فراہم کیا جاتا ہے۔ ایسے میں مودی 3.0 کابینہ کی میٹنگ میں 3 کروڑ اضافی دیہی اور شہری خاندانوں کو گھر بنانے کے لیے مدد فراہم کرنے کا فیصلہ کیا گیا ہے تاکہ لوگوں کی رہائش کی ضروریات کو پورا کیا جا سکے۔ یہ گھر شہری اور دیہی دونوں علاقوں میں تعمیر کیے جائیں گے۔ نریندر مودی نے تیسری بار پی ایم کے طور پر حلف لیا ہے اور یہ ان کی مودی 3.0 کابینہ کی پہلی میٹنگ تھی، جس میں یہ بڑا فیصلہ کیا گیا ہے۔ اس سے پہلے پی ایم مودی نے اپنی پہلی فائل پر دستخط کرکے کسانوں کو تحفہ دیا۔ انہوں نے ‘پی ایم کسان سمان ندھی’ کی 17ویں قسط جاری کی، یہ پہلا سرکاری کام ہے۔ اس سے 9.3 کروڑ کسانوں کو فائدہ پہنچے گا اور تقریباً 20,000 کروڑ روپے تقسیم کیے جائیں گے۔