جماعت اسلامی ہند، اردھا پورکے زیر اہتمام خطابِ عام حقوقِ ہمسایہ مہم

اردھاپور :24؍نومبر(شیخ زبیر )جماعتِ اسلامی ہند اردھا پور کی جانب سے حقوقِ ہمسایہ مہم کے تحت سیّد فنکشن ہال میں ایک عظیم الشان اور مؤثر خطابِ عام کا انعقاد عمل میں آیا۔ اس پروگرام میں مرد و خواتین کی بڑی تعداد نے شرکت کی، جس سے اس مہم کی اہمیت اور شعور کی بڑھتی ہوئی فضا کا خوب اندازہ ہوتا ہے۔ پروگرام کی صدارت اور رہنمائی کے لیے درج ذیل مہمانانِ گرامی نے شرکت فرمائی۔مہمان خصوصی مولانا عبدالقوی فلاحی صاحب، اورنگ آباد،انچارچ فیملی کونسلنگ سینٹر حلقہ مہاراشٹرا،محمد اظہر الدین صاحب، ناندیڑ سابق صدر اسٹوڈنٹس اسلامک آرگنائزیشن آف انڈیا (SIO)، دیگر معزز مہمان عبدالغفار چودھری صاحب ناظم ضلع، جماعت اسلامی ہند،ناندیڑ،محترم توصیف خان صاحب (شعبہ طب،اورنگ آباد)، خطابات کا خلاصہ، مہمانانِ گرامی نے اپنے پراثر اور مدلل خطابات میںپڑوسیوں کے حقوق کی اہمیت اور اسلام کے پیش کردہ جامع نظامِ معاشرت کو واضح کیا۔موجودہ مادّہ پرست ترقی یافتہ دنیا کی اخلاقی زبوں حالی کا ماضی کے معاشرتی اقدار سے تقابلی جائزہ پیش کیا۔اس حقیقت پر زور دیا کہ وہ سماجی ہم آہنگی، انسانی ہمدردی اور خدمتِ خلق کا نظام جو اسلام تشکیل دیتا ہے، دنیا کا کوئی دوسرا مذہب اس درجہ پیش نہیں کر سکتا۔پروگرام کا اختتام امیرِ مقامی کے پُرخلوص تشکریہ کلمات اورناظمِ مہم سلیمان خان صاحب کی پُراثر دعا پر ہوا۔