تعلیم یافتہ بے روزگار وں کے لیے3 اکتوبر کو لوہا، قندھار اور مکھیڑ میں صنعتی میلے کا انعقاد

ناندیڑ:2؍اکتوبر ( نامہ نگار) وزیر اعلیٰ ایمپلائمنٹ جنریشن پروگرام کے ذریعے خود روزگار کو فروغ دینے کے لیے جمعرات 3 اکتوبر 2024 ء کو پنچایت سمیتی ہال لوہا اور پنچایت سمیتی ہال قندھار، پنچایت سمیتی ہال مکھیڑمیں صبح 10 بجےصنعتی میلے کا اہتمام کیا گیا ہے۔ ضلع انڈسٹریل سینٹر کے جنرل منیجر امول انگلے نے اپیل کی ہے کہ مذکورہ تعلقہ کے قابل اور تعلیم یافتہ بے روزگار نوجوان اس میلے میں شرکت کریں۔تعلیم یافتہ بیروزگار نوجوانوں کی بڑھتی ہوئی تعداد اور کاروباری شعبے میں دستیاب خود روزگار اور روزگار کے مختلف مواقع کو مدنظر رکھتے ہوئے حکومت نے اگست 2019ء سے وزیر اعلیٰ ایمپلائمنٹ جنریشن پروگرام شروع کیا ہے، یہ ایک جامع پروگرام ہے جو انٹرپرینیورشپ کو فروغ دیتا ہے۔ تخلیقی صلاحیتوں کو وسعت دیتا ہے۔ سال 2024-25میں، مہاراشٹر حکومت کا مقصد ناندیڑ ضلع میں مالیاتی اداروں کے ذریعے جملہ 1000 نوجوان لڑکے اور لڑکیوں کو فوائد فراہم کرنا ہے۔چونکہ اس اسکیم کے ذریعے بڑے پیمانے پر اپنی صنعت ؍کاروبار قائم کرکے خود روزگار پیدا کیا جائے گا، اس لیے مقررہ وقت میں ہدف حاصل کرنے کو ترجیح دی جارہی ہے۔ اسی کے ایک حصے کے طور پر اس اسکیم کے تحت جمعرات 3 اکتوبر 2024 ء کو تین تعلقہ لوہا، قندھار، مکھیڑ میں میلےکا اہتمام کیا گیا ہے۔ اس میلے میں ضلع انڈسٹریسینٹر آفس کے افسران اور بینک کے افسران قرض کی منظوری، درخواستوں کی اپ لوڈنگ، منظوری کے عمل کے بارے میں رہنمائی کریں گے۔ اس اسکیم سے مستفید ہونے کے لیے تعلیم یافتہ بے روزگار نوجوان متعلقہ اور ضروری دستاویزات کے ساتھ اس میلے میں شرکت کریں۔ یہ بھی مطلع کیا جاتا ہے کہ زیر التواء قرض کی تجاویز کے ساتھ درخواست دہندگان بھی مطلوبہ دستاویزات؍وجوہات کے ساتھ تکمیل کے لیے حاضر ہوں۔آدھار کارڈ، پین کارڈ، رہائشی سرٹیفکیٹ، اسکول چھوڑنے کا سرٹیفکیٹ، دو تصاویر، بزنس پروجیکٹ رپورٹ، ذات کا سرٹیفکیٹ، پیشہ ورانہ لائسنس اور دیگر ضروری دستاویزات میلے میں ساتھ لانا چاہیے۔ یہ اسکیم آن لائن لاگو کی جارہی ہے ۔ مزید معلومات کے لیے اسکیم کی ویب سائٹ https://maha-cmegp.gov.in پر وزٹ کیا جاسکتا ہے۔ ضلع انڈسٹری سینٹر کے جنرل منیجر امول انگلے نے تعلقہ اور آس پاس کے اہل اور پڑھے لکھے بے روزگار نوجوانوں سے اس میلے میں شرکت کرکے استفادہ کی اپیل کی ہے۔