تحریکِ طالبِ علم ( اقوالِ زرین۔قسط:59)

٭ وہ اعتماد جس سے پہاڑوں کو اپنی جگہ سے ہٹایا جاسکتا ہے خود کا اپنی ذات پر بھروسہ کرنا ہے۔

٭ یقین عزم کے ساتھ ہو تو گرتوں کو اُٹھاتا ہے اور ہارنے والوں اور پیچھے رہ جانے والوں کو نیا راستہ دیتا ہے۔

٭ آپ کے سبھی خواب پورے ہوسکتے ہیں اگر آپ میں انہیں پانے کی جستجو میں لگے رہنے کا حوصلہ ہو۔

٭ انسان پیدائشی طور پر جن صلاحیتوں کا مالک ہے‘ عام طور پر وہ ان کا صرف دس فیصد استعمال کرتا ہے۔ ( نفسیات کے ماہرین)

٭ کسی بھی کام اور کسی بھی مہم کو شروع کرنے سے پہلے انتہائی ضروری ہے کہ ناکامی کا خوف دل سے نکال دیا جائے۔

٭ تعلیم وہ سنگِ بنیاد ہے جس پر قوم کی تعمیر ہوتی ہے اور یہ تمام لوگوں کی مکمل صلاحیتوں کو ظاہر کرنے کا کام کرتی ہے۔

٭ کسی کامیاب شخص جیسا بننے کی خواہش رکھنا آسان ہے مگر اس کی کامیابی سے سبق سیکھنا اور عادتیں اپنانا تھوڑا مشکل ہے۔

٭ آپ کو طاقتور بننا ہوگا‘ اس لیے نہیں کہ آپ کسی کو ہرا سکے بلکہ اس لیے کہ کوئی آپ کو ہرا نہ سکے۔

٭ منزلیں اُنھیں نہیں ملتیں جن کے خواب بڑے ہوتے ہیں بلکہ منزلیں اُنھیں ملتی ہیں جو اپنی ضد پر اڑے ہوتے ہیں۔

٭ صرف مری ہوئی مچھلی ہی پانی کے بہاؤ کے ساتھ بہتی ہے، جس مچھلی میں جان ہوتی ہے وہ اپنا راستہ خود بناتی ہے۔

٭ اگر آپ کو لگتا ہے کہ آپ میں کچھ خاص بات ہے تو اُسے لوگوں تک پہنچاؤ خود تک محدود مت رکھو۔

٭ منزل کو دماغ میں رکھو اور محنت کو دِل میں اور کرو خود سے ہی ایک وعدہ کہ منزل تک نہیں رُکوں گا۔

٭ ابھی گردن جھکا کر پڑھ لو تم، ایک دِن جب تمھیں عظیم الشان کامیابی ملے گی تب سب سے اوٗنچا سر تمہارا ہی ہوگا۔

٭ ہارنے والے اور جیتنے والوں میں بس فرق اِتنا ہے کہ ہارنے والے مشکلوں کو دیکھتے ہیں اور جیتنے والے منزلوں کو!

٭ کسی جامع منصوبہ پر اگلے ہفتے عمل درآمد سے بہتر ہے کہ ایک اچھے منصوبے پر ابھی عمل شروع کردیا جائے۔

٭ جیسے ہی آپ منفی خیالات کو مثبت خیالات سے بدلیں گے‘ ویسے ہی آپ مثبت نتائج برآمد کریں گے۔

٭ کامیابی کا ایک ہی ذریعہ ہے اور وہ یہ ہے کہ جب دیگر ہمت ہار چکے ہوں تب بھی آپ ڈٹے رہیں۔

٭ عقل مند افراد جب جب سیکھتے ہیں جب انہیں موقع ملتا ہے‘ لیکن نادان تب ہی جب اُن کے لیے بہت ضروری ہوجائے۔

٭ اگر تمھیں اپنے اِردگرد اندھیرا دِکھائی دے رہا ہے تو ایک بار پھر دیکھو ہوسکتا ہے تم خود ہی روشنی ہو۔

٭ آؤ ہم آج قربانی دینے کی تیاری کریں تاکہ ہماری آنے والی نسلوں کو بہتر کل نصیب ہو۔ ( ڈاکٹر اے پی جے عبدالکلام)

٭ آپ جس شعبے میں ہواُس شعبے کے بادشاہ بنو، کوئی بھی فرد اُس شعبے میں آپ سے آگے نہیں ہونا چاہیے!

٭ خود کو بہتر بنانے کے لیے سخت محنت بہت ضروری ہے چاہے وہ جسمانی بہتری کے لیے ہو یا ذہنی یا اخلاقی بہتری کے لیے۔

٭ چھوٹی چھوٹی ناکامیوں کے بعد ہی بڑی کامیابی ملتی ہے۔ کیا آپ نے نہیں دیکھا کہ اندھیری رات سے اُمید بھری صبح کیسے نکلتی ہے۔

٭ جیتنے والا ہمیشہ اپنے ہدف پر دھیان دیتا ہے اور ہارنے والا جیتنے والے پر دھیان دیتا ہے فرق صرف نظریے کا ہے۔

٭ آپ رُکنے کے لیے بنے ہی نہیں ہیں آپ تو اُڑنے اور چلنے کے لیے بنے ہو۔ آپ کو کوئی نہیں روک سکتا جب تک آپ رُکتے نہیں!