برین عرشہ نے روزہ رکھا

بلڈھانہ ۲۶ فروری (نمائندہ) : مہرہ خورد کی ننھی طالبہ برین عرشہ محمد عتیق الرحمٰن نے اس رمضان المبارک میں اپنی زندگی کا پہلا روزہ رکھا۔ برین عرشہ نے بڑے ذوق و شوق سے سحری کی اور دن بھر بھوک و پیاس کی شدت برداشت کرکے اپنا روزہ مکمل کرتے ہوئے سب کو حیرت انگیز خوشی سے دوچار کر دیا۔ برین عرشہ کے لیے ان کے مکان پر روزہ رکھائی کی تقریب منعقد کی گئی اور خصوصی افطار ترتیب دیا گیا۔ برین عرشہ کی روزہ رکھائی پر ان کے والدین، خاندان و محلے کے بزرگوں، اساتذہ وغیرہ نے انہیں مبارکباد دی اور اپنی دعاؤں اور تحفوں سے نوازا۔ ادارہ اعتبار نیوز بھی برین عرشہ کو ڈھیر ساری مبارکباد پیش کرتا ہےاور ان کی سلامتی و روشن مستقبل کے لیے دعا گو ہے۔