برائٹ اسٹار انگلش اسکول کے طلبہ کے لیے سردیشپانڈے ہرڈہ پارٹی کا شاندار انعقاد

پربھنی: 28؍جنوری( ضلع نامہ نگار اعتبار نیوز محمد سرور شریف ) برائٹ اسٹار انگلش اسکول، پربھنی کی جانب سے طلبہ کے لیے ایک یادگار تفریحی سفر کا اہتمام کیا گیا۔ اس تفریحی دورے کے تحت طلبہ کو سردیشپانڈے ہرڈہ پارٹی لے جایا گیا، جہاں انہوں نے روایتی ہرڈہ (بھٹے) سے لطف اندوز ہونے کے ساتھ ساتھ قدرتی مناظر سے بھی لطف اندوز ہوئے، یہ تفریحی سفر بچوں کے لیے نہ صرف ایک خوشگوار تجربہ ثابت ہوا بلکہ انہوں نے دیہی زندگی کو بھی قریب سے دیکھا۔ بچوں نے کھلی فضا میں کھیل کود کر خوب لطف اندوز ہوئے ، جبکہ اسکول کے اساتذہ اور منتظمین نے ان کی رہنمائی کی۔اس موقع پر برائٹ اسٹار اسکول کے ڈائریکٹر جناب فیضان مجاہد قادری نے کہا کہ ایسے تفریحی دورے بچوں کی ذہنی اور جسمانی نشوونما کے لیے بہت ضروری ہیں۔ والدین نے بھی اسکول کی اس کاوش کو سراہا اور امید ظاہر کی کہ مستقبل میں بھی اسی طرح کے تعلیمی دورے بھی منعقد کیے جائیں، یہ سفر بچوں کے لیے نہایت مفید اور یادگار ثابت ہوا، اور تمام طلبہ خوشی خوشی اسکول واپس لوٹے۔اس طرح کی اطلاع ثریا میڈم نے دی۔