انسپکشن

اسکول میں پچھلے چند روز سے بڑی گہما گہمی تھی۔ہر شخص اپنے اپنے کام میں دیگر دنوں کے مقابلے بہت زیادہ مصروف نظر آرہا تھا۔اور کیوں نا ہوتا؟ اسکول کا اعلی تعلیمی افسران کے ذریعے انسپکشن جو ہونے والا تھا۔اس کے لیے زور و شور سے تیاریاں جاری تھیں۔الماریوں سے فائل اور رجسٹر نکال کر رکھتے ہوئے پیون شرابور ہوگیا ۔کچھ اساتذہ کی پریشانی دیکھتے ہی بن رہی تھی تو چند بالکل مطمئن نظر آرہے تھے۔پھر وہ دن بھی آگیا جب محکمہ تعلیم کے افسران اسکول میں وارد ہوگئے۔آفس میں ان کی بڑی خاطر تواضع کی گئی۔تھوڑی دیر کے بعد واپس جاتے ہوئے ایک صاحب نے فائل پر رکھا لفافہ بیگ کے حوالے کیا اور اپنے ساتھی سے مخاطب ہوا ۔یار آج تمہاری بھابھی کی آئے فون موبائل کی فرمائش پوری ہوجائے گی۔اور سب پھیکی سی مسکراہٹ کے ساتھ باہر نکل گئے۔نو منتخب ٹیچر نےپاس کھڑے سینئر ٹیچر سے پوچھا۔” سر کیا انسپکشن ہوگیا”؟ اسے یوں لگا جیسے وہاں رکھے ہوئے فائل اور رجسٹر سب کومنہ چڑا رہے ہو۔