انتخابی میٹنگ میں غیر حاضر رہنے والے ملازمین کے خلاف مقدمات درج کریں: الیکشن آفیسر

ناندیڑ 18 اکتوبر(نامہ نگار) : جمہوریت میں انتخابی عمل ایک قومی فرض ہے اور کوئی بھی بغیر وجہ کے دو دن کے کام کا بوجھ نہ ڈالے۔ اگر کوئی تربیت کے دوران غیر حاضر ہوتا ہے تو ان کے خلاف مقدمات درج کیے جائیں، ایسی ہدایت ناندیڑ جنوب کے الیکشن آفیسر وسب ڈویژنل آفیسر ڈاکٹر سچن کھلاڑ نے دی۔اسمبلی عام انتخابات اور لوک سبھا ضمنی انتخابات کے لیے 87 ناندیڑ جنوب اسمبلی کے الیکشن آفیسر و سب ڈویژنل آفیسر ڈاکٹر سچن کھلاڑ کی رہنمائی میں آج تحصیل دفتر میں ایک میٹنگ منعقد کی گئی۔ اس میٹنگ میں مختلف ٹیموں کے افسران اور ملازمین موجود تھے۔انتخابی کاموں کا جائزہ لیتے ہوئے یہ بات سامنے آئی کہ کئی افسران اور ملازمین نے سنجیدگی کا مظاہرہ نہ کرتے ہوئے غیر حاضر رہنے کی اطلاع دی۔ خاص طور پر جی۔ ایس۔ ٹی۔ محکمہ ،بہت سے بی۔ایل۔ او۔ اور نگران (سپروائزر) غیر حاضر تھے۔ ان غیر حاضر افسران اور ملازمین کے خلاف عوامی نمائندگی ایکٹ 1951 کی دفعہ 134 کے تحت فوری مقدمات درج کرنے کی کارروائی شروع کرنے کی ہدایت سب ڈویژنل آفیسر ڈاکٹر سچن کھلاڑ نے دی۔ اس میٹنگ میں تحصیلدار پروین پانڈے ، نیتیش کمار بولےلو، اور نائب تحصیلدار موجود تھے۔