امداد لینے والے فلسطینیوں کا قتل عام قابل مذمت اقدام ہے: اقوام متحدہ

نیو یارک:2؍مارچ:اقوام متحدہ کے سیکرٹری جنرل انتونیو گوتریس نے اسرائیل کی جانب سے امداد کے منتظر فلسطینیوں کے قتل عام کی شدید الفاظ میں مذمت کی ہے جس کے نتیجے میں 100 سے زائد افراد شہید اور 700 سے زائد زخمی ہوئے ہیں۔یہ بات جمعرات کو اقوام متحدہ کے ترجمان سٹیفن ڈوگراک نے ایک پریس کانفرنس میں کہی۔انہوں نے مزید کہا کہ "سیکرٹری جنرل شمالی غزہ میں پیش آنے والے واقعے کی مذمت کرتے ہیں، جس کے نتیجے میں 100 سے زائد افراد مارے گئے جب وہ جان بچانے والی امداد حاصل کرنے کی کوشش کر رہے تھے”۔دوگراک نے غزہ میں انسانی وجوہات کی بنا پر فوری جنگ بندی کے لیے گوتیریس کے مطالبے کی تجدید کی۔انہوں نے مزید کہا کہ لڑائیا اور دیگر چیلنجز غزہ تک پہنچنے اور زندگی بچانے والی صحت اور خوراک کی دیکھ بھال فراہم کرنے کی ہماری کوششوں میں رکاوٹ بن رہے ہیں”.دوگراک نے کہا کہ اقوام متحدہ غزہ میں جنگ اور غذائی قلت کے نتیجے میں ہونے والی اموات سے آگاہ ہے اور اس نے جامع تحقیقات پر زور دیا۔جمعرات کو اسرائیلی قابض فوج نے فلسطینیوں کے ایک اجتماع پر فائرنگ کی جو غزہ شہر کے جنوب میں واقع علاقے "نابلسی رانڈ اباٹ” میں امدادی ٹرکوں کی آمد کے لیے انتظار کر رہے تھے، جس کے نتیجے میں 112 فلسطینی شہید اور 760 زخمی ہو گئے۔

اسرائیل نے غزہ میں 25000 سے زیادہ خواتین اور بچوں کو قتل کیا: آسٹن

واشنگٹن نے پہلی بار غزہ پر اسرائیلی جنگ سے ہونے والی ہلاکتوں کو تسلیم کیا ہے۔ امریکی وزیر دفاع لائیڈ آسٹن نے کہا ہے کہ اسرائیل نے 7 اکتوبر سے اب تک امریکی اسلحے سے غزہ میں 25000 سے زیادہ خواتین اور بچوں کوقتل کردیا ہے۔ اسرائیل کو شہریوں کو تحفظ فراہم کرنے کے لیے بہت کچھ کرنا ہوگا۔کانگریس کی سماعت کے دوران لائیڈ آسٹن سے اسرائیل کے ہاتھوں قتل ہونے والی فلسطینی خواتین اور بچوں کی تعداد کے بارے میں پوچھا گیا تو انہوں نے جواب دیا 25000 سیزیادہ۔ آسٹن نے مزید کہا کہ اسرائیل کی غزہ پر جنگ کے آغاز سے لے کر اب تک تقریبا 21000 انتہائی درست گائیڈ کیے جانے والے گولے اسرائیل کو بھیجے جا چکے ہیں۔بائیڈن نے پیر کو جنگ بندی کو مسترد کردیا۔ امریکی صدر جو بائیڈن نے پیر تک اسرائیل اور حماس کے درمیان جنگ بندی کو مسترد کر دیا ہے۔ اس ہفتے کے شروع میں وہ توقع کر رہے تھے کہ پیر تک جنگ بندی معاہدہ ہو جائے گا۔ جمعرات کو صحافیوں کے سوالوں کے جواب میں بائیڈن نے کہا امید لامتناہی ہوتی ہے۔ لیکن لیکن زیادہ تر امکان یہ ہے کہ پیر تک ایسا نہیں ہوگا۔بائیڈن نے جمعرات کو اس بات کی تصدیق کی کہ امریکہ غزہ میں امداد کی تقسیم کے مقام پر ہونے والی فائرنگ کے بارے میں دو متضاد کہانیوں کی تصدیق کر رہا ہے۔ انہوں نے مزید کہا کہ جو کچھ ہوا وہ جنگ بندی کے مذاکرات کو پیچیدہ بنا دے گا۔