اقراء اسکول میں تعلیمی سیر کا انعقاد طلبہ کو قدرتی ماحول سے سیکھنے کا موقع

پربھنی:10؍جنوری ( ضلع نامہ نگار اعتبار نیوز محمد سرور شریف )ثناء ایجوکیشن سوسائٹی کے زیر انصرام چلنے والا شہر کا مشہور تعلیمی ادارہ اقراء اردو پرائمری اسکول تراب الحق نگر درگا روڈ پر بھنی۔اقراء اسکول نے اپنے طلباء کے لیے ایک تعلیمی سیر کا انعقاد کیا جس کا مقصد طلباء کو عملی تجربہ فراہم کرنا تھا ۔تعلیمی سیر بتاریخ 09 جنوری بروز جمعرات بمقام گوپال اچاریہ گارڈن بسمت روڈ پر بھنی سیر کا آغازصبح نو بجے ہوا اور اس میں تقریبا 180 سے زائد طلباء نے حصہ لیا۔ اس تعلیمی سیر میں طلباء نے گارڈن کی سیر کی۔ تعلیمی سیر میں بچوں کو قدرتی ماحول سے سیکھنے کا موقع فراہم کیا گیا ۔ اس تعلیمی سیر میں طلباء نے اپنے اساتذہ کی رہنمائی میں مختلف گیمس کے ساتھ ساتھ مختلف طریقوں سے گارڈن کے ہر ایک حصے کا لطف اٹھایا۔اس تعلیمی سیر میں اسکول کی ہیڈ مسٹر یس کے ساتھ اسکول کے تمام اساتذہ نے اس تعلیمی سیر کو کامیاب بنایا۔