اسکالرشپ کی درخواستوں کے لیے مہا ڈی بی ٹی پورٹل شروع

ناندیڑ:12؍ اگست(نمائندہ اعتبار) ضلع کے تمام سرکاری طور پر تسلیم شدہ، گرانٹ یافتہ، غیر گرانٹ یافتہ، اور مستقل غیر گرانٹ یافتہ کالجوں میں تعلیمی سال 2025-26 کے لیے داخلہ لینے والے شیڈول کاسٹ طلبہ سے اپیل کی گئی ہے کہ وہ نئی اور تجدید شدہ اسکالرشپ کی درخواستوں کے لیے آن لائن مہا ڈی بی ٹی (MAHADBT) پورٹل پر 30 جون 2025 سے درخواست جمع کر سکتے ہیں۔ یہ اپیل سماجی بہبود کے اسسٹنٹ کمشنر شیوانند منگیرے نے کی ہے۔سماجی انصاف اور خصوصی امداد کے محکمے کے تحت سماجی بہبود اسسٹنٹ کمشنر کے دفتر کے ذریعے نافذ کی جانے والی بھارت سرکار میٹرک کے بعد اسکالرشپ، تعلیمی فیس اور امتحانی فیس کی ادائیگی کی اسکیم، پیشہ ورانہ کورسز سے منسلک طلبہ کے لیے گزارہ الاؤنس، راج رشی شاہو مہاراج میرٹ اسکالرشپ ، اور سوادھار اسکیم کے تحت ضلع کے تمام سرکاری طور پر تسلیم شدہ، گرانٹ یافتہ، غیر گرانٹ یافتہ، اور مستقل غیر گرانٹ یافتہ کالجوں کے پرنسپلز کا جائزہ اجلاس 11 اگست کو سماجی بہبود کے اسسٹنٹ کمشنر کے دفتر ناندیڑ میں منعقد کیا گیا۔ اجلاس میں ضلع کے کالجوں کے پرنسپلز اور ملازمین موجود تھے۔تعلیمی سال 2024-25 کے دوران کچھ کالجوں کی سطح پر زیر التوا درخواستوں کے بارے میں فوری عمل کرنے کی ہدایت دی گئی۔ شیڈول کاسٹ زمرے کے طلبہ میں اسکیموں کے بارے میں شعور اجاگر کرنے کی ہدایت دی گئی۔ اجلاس میں تعلیمی سال 2025-26 کے لیے کالج کی سطح پر زیر التوا درخواستوں کو فوری طور پر نمٹانے، سوادھار اسکیم کے تحت طلبہ کی حاضری کی جانچ پڑتال کرکے پیش کرنے، کالج کے نوٹس بورڈ پر سوادھار اور بھارت سرکار اسکالرشپ اسکیم کے بارے میں نوٹس لگانے، بھارت سرکار اسکالرشپ اسکیم کے تحت آڈٹ رپورٹ فوری طور پر پیش کرنے، اور راج رشی شاہو مہاراج میرٹ اسکالرشپ اسکیم کی درخواستوں کو فوری طور پر نمٹانے کے بارے میں ہدایات دی گئیں۔