آج ( 30؍اکتوبرکو) امیدواروں کے درخواستوں کی جانچ

ناندیڑ:29؍اکتوبر ( نمائندہ اعتبار) الیکشن کمیشن آف انڈیا نے لوک سبھا ضمنی انتخابات اور اسمبلی عام انتخابات کے لیے طے کردہ شیڈول کے مطابق کل 30 اکتوبر کو جمع کرائی گئی درخواستوں کی جانچ کی جائے گی۔ جانچ کا آغاز صبح 11 بجے ہوگا۔ جانچ کے بعد امیدواروں کو 4 نومبر تک درخواستیں واپس لینے کا موقع دیا جائے گا۔الیکشن کمیشن آف انڈیا کے طے کردہ شیڈول کے مطابق کل بدھ 30 اکتوبر کو جانچ کی جائے گی۔ لوک سبھا کے لیے جانچ کا کام ضلع کلکٹر کے دفتر میں ہوگا جبکہ اسمبلی کے لیے متعلقہ الیکشن رٹرننگ آفیسر کے دفتر میں ہوگا۔ اس کے بعد درخواستیں واپس لی جا سکیں گی، لہٰذا جانچ کے بعد اور 31 اکتوبر کو درخواستیں واپس لی جا سکتی ہیں۔آنے والے دنوں میں سرکاری تعطیلات ہونے کی وجہ سے کل جانچ کے بعد 31 اکتوبر تک پورے دن اور 4 نومبر کو دوپہر 3 بجے تک درخواستیں واپس لی جا سکیں گی۔ 4 نومبر کو دوپہر 3 بجے تک ہی درخواستیں واپس لی جا سکتی ہیں۔20 نومبر کو ووٹنگ ہوگی۔ 23 نومبر کو ناندیڑ میں لوک سبھا ضمنی انتخابات کے 6 اسمبلی حلقوں کی ووٹوں کی گنتی سوامی رامانند تیرتھ مراٹھواڑہ یونیورسٹی میں ہوگی جبکہ ضلع کے لوہا،حدگاؤں، اور کنوٹ کے حلقوں کے ووٹوں کی گنتی متعلقہ مقامات پر ہوگی۔ لوہا اسمبلی کے لیے گنتی کا کام محصول ہال تحصیل دفتر لوہا میں ہوگا، جبکہ حد گاؤں اسمبلی حلقے کی گنتی سماجی بہبود بھون میں ہوگی جو کہ مخصوص ذات کی لڑکیوں کے سرکاری ہوسٹل تامسہ روڈ حدگاؤں میں واقع ہے۔ کنوٹ اسمبلی کے لیے گنتی آئی ٹی آئی کالج میں ہوگی۔