آئیٹا مہاراشٹر کی ریاستی مشاورتی کونسل کی کامیاب نشست ممبئی میں منعقد

ممبئی:25؍اگست (راست): آل انڈیا آئیڈیل ٹیچرس ایسوسی ایشن (آئیٹا) مہاراشٹر کی ریاستی مشاورتی کونسل (SAC) کی ایک اہم میٹنگ مورخہ 24 اگست 2025 بروز اتوار بمقام حامد بلڈنگ، مومن پورہ، ممبئی نہایت کامیابی کے ساتھ منعقد ہوئی۔اجلاس کا آغاز تلاوتِ قرآن مجید اور سید نذیر صاحب (ساکی ناکہ) کی پراثر تذکیر بالقرآن سے ہوا۔ اس کے بعد میٹنگ کی غرض و غایت پر روشنی ریاض الخالق صاحب (ناگپور) نے ڈالی۔مہاراشٹر کے سیکریٹری پٹھان شریف خان نے گزشتہ چھ ماہ کی کارکردگی رپورٹ پیش کی، جس میں تنظیمی سرگرمیوں، تعلیمی و فکری پروگراموں اور مختلف اضلاع میں منعقدہ سرگرمیوں کی تفصیلات شامل تھیں۔اجلاس میں آئندہ کے لیے کئی اہم نکات پر غور کیا گیا، جن میں بالخصوص:سیرت النبیؐ کے موقع پر “سیرت رحمت للعالمینﷺ‘‘اور “سیرت رسول ﷺ” مسابقات میں طلبہ کی زیادہ سے زیادہ شرکت کو یقینی بنانا۔ اساتذہ کے لیے سیرت رسول ﷺ پر مقالہ نویسی مسابقے میں بھرپور شرکت کو یقینی بنانا۔ یہ مسابقات سیرت النبی ﷺ کی مناسبت سے جماعت اسلامی ہند حلقہ مہاراشٹر کے زیراہتمام منعقد کیے جا رہے ہیں۔اس کے علاوہ تنظیمی کاموں کو مزید مؤثر بنانے کے لیے عملی حکمتِ عملی پر بھی تبادلۂ خیال کیا گیا۔ صدر آئیٹا مہاراشٹر محمد عتیق شیخ نے اپنے صدارتی خطاب میں رہنمائی فراہم کی اور مستقبل کے لیے عزم و حوصلے پر مبنی کلمات پیش کیے۔نشست کا اختتام ریاض الخالق صاحب (نائب صدر) کی دعا کے ساتھ ہوا۔